La compania nasional de petrolio de Nijeria ia nega un alega par la xef de la banco sentral ce lo no ia justi $20 mil milion, cisa plu, de se revenu.
En martedi, Lamido Sanusi ia informa un comite de senato ce, de $67 mil milion resetada par vendes de petrolio entre janero 2012 e julio 2013, $20 mil milion manca ancora.
La disputa sur la contas de la Corpora Nasional de Petrolio Nijerian ia comensa en la parte final de la anio pasada, pos un nota esposada.
Nijerianes ia es xocada par la cuantias grande de mone envolveda.