La governa brasilera ia dise ce lo es posible ce airolinias stranjer va pote opera volas interna tra la Copa de Mundo de futbal, en junio e julio de esta anio.
Gleisi Hoffmann, la xef de la ecipo presidental, ia dise ce presidente Dilma Rousseff considera abri la mercato interna per preveni aumentas esplotante de preso.
Diferes grande esiste entre la presos de vola demandada par airolinias diversa.
Seguente la constitui brasilera, la presidente ave la potia de fa comandas direta en situas spesial.
Brasil espeta ce 600 000 turistes stranjer va viaja a la pais per la aveni.