2014-01-31

Du rocones cadente dana un cultiveria italian

Fotos dramosa mostra la destrui causada par un rocon jigante cual ia rola tra un cultiveria en Italia Norde. Lo ia deveni desfisada de la monte visina par un lisca de tera en 21 janero.

La rocon ia evita apena un casa, ia destrui un graneria, e ia para en un viteria.

Ance un rocon du ia desfisa se en la lisca. Lo ia para direta pos la casa e ia evita apena crase un auto.

La familia cual abita la cultiveria no ia es ferida.