2014-01-28

Japan revisa manuales scolal per clari se teritorio

En Japan, la ministreria de ensenia dise ce lo revisa manuales per instruores afin on clari se posese de isolas disputada.

Hakubun Shimomura, la ministro, ia dise ce Japan vole ensenia se enfantes "sur partes integral de se teritorio".

La teritorio disputada inclui isolas en la Mar de Xina Este cual Japan controla ma cual Xina reclama ance, e alga isolas controlada par Corea Sude.

La disputas ia tensa la relatas entre Japan e la du paises.