En 24 oras, barcones de la marina e gardacosta italian ia salva plu ca 1000 migrores, prosima a la isola pico de Lampedusa.
En jovedi, on ia prende 823 migrores de cuatro barcos coxeante e tro folida. La migrores ia veni xef de Egipte, Tunis, Irac, e Pacistan.
En mercurdi, 233 migrores ia es salvada en un taxe diferente. Los ia veni de Pacistan e paises diversa en Africa. Lampedusa es la teritorio italian la plu prosima a Africa norde.
La isola ia esperia difisiles en maneja la miluples de migrores arivante. On ia prende la arivores la plu resente a Sisilia.
En otobre, plu ca 400 persones ia afoca prosima a Lampedusa, en du ruinas de barco.