Monces fema en un monceria en Espania sude ia es surprendeda par un mesaje lasada par Papa Fransisco a se respondador de telefon en 31 desembre.
La Papa ia es arcibispo de Buenos Aires, e ia conose alga de la monces, car los veni ance de Arjentina.
La monces ia es preante cuando la Papa ia telefoni.
El la lasa esta mesaje: "Cual ocupa la monces si los no pote responde? Papa Fransisco parla. Me ia vole dise alo a vos a la fini de la anio. Me va vide esce me pote telefoni a vos denova plu tarda. Ta ce Dio bondise vos."
Pos emprende se posto en la anio pasada, Papa Fransisco ia adota un disposa min formal ca se presedor, asentuante se reputa de simplia e umilia.