En India, la ministro xef nova de Delhi ia abandona se intende de reloca se a la abitada ofisial, pos cuando on ia critica vasta la idea.
En venerdi, Arvind Kejriwal, ci ave 45 anios, ia defende se move a la du apartes spasiosa de sinco salas de dormi, e de usa un de la apartes como se ofisia.
Ma se oposores ia dise ce esta contradise la prometes cual el ia fa e per cual on ia eleje el. Se partito Person Comun ia gania la elejes en la mense pasada, prometente batalia la froda.
En saturdi, Kejriwal ia confesa ce se oposores no ia es la solas ci ia oposa la reloca.