En la SUA, la stato de New York intende destensa se leges de mariuana per permete ce pasientes grave malada usa lo. Dudes otra statos ia fa ja la mesma deside.
En mercurdi, Colorado ia deveni la prima stato de la SUA cual permete ce botecas vende canaba per usas recreal. On previde ce, plu tarda en 2014, la stato de Washington va permete ance la vende de la droga.
La droga es ancora nonlegal par lege federal.
On previde ce la politica nova de New York va es multe plu sever ca en California o Colorado. En California, sufrores de maladias minor pote oteni prescrives per canaba.
En New York, la droga va es disponable en sola 20 ospitales, per persones con canser, glaucoma, o otra maladias grave.