Un om australian ia es medical tratada per estrae un cucaraxa grande cual ia rampe en se orea. La inseto ia es longa de du sentimetres.
Cuando Hendrik Helmer ia velia a la matina de mercurdi, el ia trova un dole forte en se orea destra, e ia pensa prima ce un arania venenosa ia entra a lo.
El ia atenta estrae la peste con un despolvador, e par jeta acua en se orea. La dole ia deveni plu intensa, donce se camerada de aparte ia gida la om a ospital.
Ala, un dotor ia proba pone olio en la canal de orea, ma la resulta ia es mera ce la cucaraxa ia vade an plu profonda. Final, la inseto ia mori, e la dotor ia pote estrae lo con pinse.