En 2013, La hobit: un viaja nonprevideda ia es la filma de cual on ia fa la plu multe copias nonlegal, seguente la pajeria TorrentFreak.
Plu ca 8,4 milion persones ia descarga lo, usante redes de BitTorrent par cual computadores egal pote comparti se fixes.
La filma Django Unchained par Quentin Tarantino ia es a la loca du en la lista, pos 8,1 milion descargas.
La pirati de filmas resta popular, partal par causa de la interval entre la mostra de un filma en sinemas e la publici de lo per descarga o flue.
TorrentFreak compila se lista con fontes diversa, incluinte statisticas de descarga reportada par analisadores publica de BitTorrent. Ma se contas no inclui flues nonlegal enlinia o descargas de ospitafixes, cual permete ce usores con un parola secreta comparti fixes.