En la norde-este de England, la xef de la compania la plu grande de taxis en la area Teesside ia dise ce se compania va sesa transporta pasajores descapasida.
Mohammed Bashir ia dise ce el ia fa la deside per razonas economial.
On ia avisa resente a taxistes en Teesside ce los pote perde se lisensas si los fatura plu alta a la pasajores descapasida.
Bashir ia dise ce se compania, Boro Taxis, no pote tolera plu la costa de envia un minibus de oto sejas si la cliente debe paia no plu ca un person capasida en un auto de cuatro sejas.