Un judor pasada de la corte suprema de India ia resinia como xef de un comite sur diretos umana, pos acusas sur se malcondui sesal.
Un stajior de lege ia alega ce la judor, A.K. Ganguly, ia menasa sesal el. Ganguly nega forte la alega.
En la mense pasada, un comite de la corte suprema ia investiga la caso e ia dise ce la atesta inisial indica "un condui nonbonvenida" par Ganguly. La corte ia eleje no ata plu sur la caso, car la judor ia jubila.
Ganguly ia refusa comenta sur se resinia. Ma Soli Sorabjee, la avocato jeneral pasada de India, ia confirma lo, nominte lo "un deside coreta".