Un xica afgani ia dise ce se familia ia obliga el a ataca un posto de controla de polisia en la provinse Helmand.
El ia dise ce se frate e padre ia bate el, comandante ce el apone un jaceta de bomba.
On ia prende el a cura protejente en Lashkar Gah, la capital provinsal, pos cuando un soldato afgani ia vide ce el porta la jaceta en lundi pasada.
El ave sirca des anios. El ia apela a presidente Hamid Karzai per un abita nova.
Un portavose per la presidente ia dise ce on va redona la xica a se relatadas sola si la membros major de se tribu garantia se securia.