Xina ia multa Zhang Yimou, un dirijor de filmas populal, per plu ca milion dolares car el ia iniora la politica de ave sola un enfante.
La dirijor ave tre enfantes e 30 dias per paia la multa. El es ance conoseda per se dirije de la rituo abrinte a la juas olimpial en Beijing en 2008.
La politica ia es introduida en la desenio de 1970 per limita la crese de la popla. Asta la anio pasada, on ia permete sola un enfante a familias urban, e du a familias campanial de cual se enfante prima es un xica.
En 2013, la politica ia es laxida: on permete aora du enfantes si un jenitor ave no sores o frates.