La batalia en Suria norde entre grupos competente de rebelores ia ateni la site de Raqqa. La grupo potiosa ISIL (Stato Muslim de Irac e la Mediteraneo Este) ia es atacada a se xeferia en la note.
On acusa ce la grupo ia tortura e esecuta publica alga persones, e ce lo ia prisoni sentuples de jornalistes e ativistes en se xeferia.
Un uni de moderadas e otra islamistes batalia per despone presidente Bashar al-Assad, e los oposa ISIL en alga partes de Suria norde.
La uni inclui rebelores de la Fronte Nusra, cual es ance fidosa a al-Qaidah. La Fronte Nusra e ISIL ia segue la mesma gidores de al-Qaidah ante se separa.
Ma ante aora, on ia crede ce la Fronte Nusra ia atenta resta neutral en la batalia contra ISIL.
Raqqa, saisida par ISIL en la anio pasada, ia es la capital provinsal prima cual rebelores ia controla intera.