On ia condena a des anios en prison un fem de la SUA ci ia partisipa en un conspira per mata un artiste svensce, de ci un de se cartunes ia ofende muslimes.
Colleen LaRose, ci ave 50 anios e ia nomi se "Jihad Jane", ia confesa en 2011 ce el ia scemi per mata Lars Vilks, e ia enscrive otras a la promove.
El ia risca es condenada a spende la resta de se vive en prison, ma un judor ia corti se periodo de puni, partal car el ia coopera con investigores.
Lars Vilks ia deveni menasada pos desinia un cartun piturinte la Profeta Muhammad como un can. Gerores islamiste en Irac ia ofre un premio de $100 000 per se asasina, ma el ia es nunca atacada.