En la SUA, Chris Christie, la governor republiciste de New Jersey, fronti un acusa ce se ofisia ia organiza un caos de trafica como parte de un vendeta political minor.
E-postas e mesajetas pare lia un aidor de Christie a la clui en setembre de la strada cual gida a la Ponte de George Washington. La ponte es un de la pontes la plu traficosa en la mundo.
Alegada, on ia reali la conjesta con intende de puni un maior democrata ci no ia suporta la eleje denova de la governor.
La documentos ia es publicida en mercurdi. Los no sujesta ce Christie mesma ia organiza la cluis, ma los pote contradise se declara ce se ofisiores no ia es culpable.