On ia acusa un om deutx de 88 anios sur partsipa en un de la masacras la plu malfamosa de la Gera Mundal Du.
La acusas pertine a Oradour-sur-Glane en Frans sentral, un vileta do 642 persones ia es asasinada par soldatos de la SS en 1944. La soldatos ia obliga ce multe persones entra a un eglesa local, ante lansa granadas en la construida e ensende lo.
Prosedores en Dortmund ia dise ce la om es acusada sur la asasina direta de 25 persones e sur aida la mata de sentuples.
On ia conserva la ruinas de la vileta como los ia es pos la masacra, per fa ce on oblida nunca la cruelia de la ocupa nazi.
On ia prosede 60 soldatos en la desenio de 1950. Dudes ia es condenada, ma tota ia es librida a pos.